Plantun de Prouvènço

Pèr coumpara dos planto d'encò nostre

Klasea nudicaulis & Plumbago europaea

Klasea nudicaulis

Asteraceae Compositae

Nom en français : Serratule à tige nue.

Descripcioun :
La serreto-de-la-cambo-nuso trachis sus li cresten di colo e basso mountagno roucaiouso. Se recounèis à si flour coumpausado roso-pourpro emé de bratèio pounchudo (arèsto de 1,5 mm) e à si fueio sènso péu, verdalo e mai o mens entiero. Trachis en mato e la cambo, coume lou dis lou noum, èi nuso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 50 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Klasea
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 2 cm
Flourido : Printèms - Estiéu

Sòu : Ca
Autour basso e auto : 200 à 2000 m
Aparado : Noun
Mai à juliet

Liò : Tepiero seco - Cresten venta
Estànci : Subremediterran à Mountagnard
Couroulougi : Ouroufito-Sud-Ouèst-Éuroupenco
Ref. sc. : Klasea nudicaulis (L.) Fourr., 1869

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.